gratin فريت ساهل

السلام عليكم
تعودنا ماكلة مقلية فريت دجاج طماطم
قلت نبدل فيهم شوي ونطيبهم قراتان في الكوشا
وجاني بنين اممممم
المقادير
بطاطا، 3 حبات طماطم متوسطة ، دجاج ، 3 حبابت بيض
صوص بيشامال ، ملح وفلفل كحل وزيت للقلي

التحضير نقطعو الطماطم دوائر



ونقولها في شوي زيت نخلوها طيب مليح واذا شاطت شوي
راح تكون بنينة اكثر شرط الطمام ماشي النوع الحامض
وكي طيب نحولها القشرة بكل سهولة

من بعد نحلو الدجاج



ونقلوه في شوي زيت وملح



ونفتوه كيما في الصورة



البطاط نقصوها ونطيبوها فريت
من بعد نحطو نصها في مول الكوشا



من بعد طبقة طماطم



من بعد الدجاج



طبقة اخرى من لي فريت



فوقهم صوص بيشامل متبلة بالفلفل لكحل



واخيرا 3 حبات بيض نضربوهم ونسيحوهم عليها



وندخلوها للفور طيب حتى تتحمر



وشهية طيبة







كيما شتو ساهلة وبنينة
ماتنسونيش من دعوة خير
ودي واحترامي لكم