بطاطا كوشا اقتصادية وبنينة

السلام عليكم ورحمة الله تعالى وبركاته

جبتلكم طريقة بطاطا كوشا بنينة ومليحة

التحضير
نقطع كمية من المعدنوس مع حبتين طماطم متوسطة الحجم
فصين ثوم ومكعب جمبو خروف

نضعهم في الخلاط ونضيف عليهم ملعقة كبيرة طماطم مصبرة

وملعقة صغيرة سكر لازالة الحموضة وفنجال زيت وكاس ماء وملح

و رشة فلفل اسود وهريسة لمن يرغب في الحار



ونخلطهم جميعا



نقشر البطاطا ونقطعها مكعبات صغيرة ونضعها في بيركس



نسكب عليها الخليط ونخلطهم



نغطيها بالالمنيوم وندخلها للفرن حتى تنضج



وعندما تطرى البطاطا وتنضج ننزع الالمنيوم وتتحمر قليلا



وتقدم



ان شاء الله تعجبكم الوصفة
لا تنسوني من دعوة خير

مسكوتة بياؤورت الفرولة

السلام عليكم ورحمة الله تعالى وبركاته

اليوم جبتلكم مسكوتة بياؤورت الفرولة من مطبخي اكيد

المقادير

4 حبات بيض، 5 ملاعق كبيرة سكر، ملعقة كبيرة زبدة، 4 ملاعق كبيرة زيت،

علبة ياؤورت الفرولة ، 2 خميرة كيميائية ، فانيليا ، 15 ملعقة كبيرة فرينة

للتزيين

فرولة ، شوكولا، شرائح اللوز


التحضير

نفصل الصفار عن البياض و الصفار جيدا ثم نضيف له السكر مع مواصلة الخفق




ثم الزبدة ;الزيت ونواصل التحريك



بعدها علبة الياؤورت




ثم الطحين تدريجيا مع الخميرة



نخفق بياض البيض مع الفانيليا ورشة ملح جيدا حتى يصبح ثلجي
نضيفه الي الخليط ونحرك برفق حتى نحافظ على القوام



نسكبه في مول القاطو

وندخلها للفرن

وعندما تنتفخ وتاخذ لونا ذهبيا نخرجها ننزعها من المول







وفي هذه الاثناء نذيب كريمة الشوكولا على حمام مائي حتى تصبح سائلة
نسكبها على القاطو ونغطي كل الجوانب






ونزين بالفرولة وشرائح اللوز




وتكون جاهزة













وبنفس المقاديرة حضرت اخرى واضفت عليها 3 ملاعق سيرو الرمان اعطاها طعم ولون مميز

وزينتها بالشوكولا وشرائح اللوز










ان شاء الله تعجبكم الوصفة
انتظرو جديدي ان شاء الله

ولا تنسوني من دعوة خير

طاجين جبن على طريقتي

السلام عليكم ورحمة الله تعالى وبركاته

طاجين جبن على طريقتي

المقادير

دجاج ، بصل مفروم، توابل مشكلة ، فلفل اسود ن فلفل احمر ، سمن، زيت، 5 حبات بيض ويمكن اكثر ، وصوص بيشامال

3انواع من الحبن ( استخدمت 2 قطع كيري شاف بطعم الثوم ، جبن كريمي بطعم الثوم، وجبن آخر)

التحضير

نقطعو الدجاجة ونزيدولها البصلة السمن 3 مغارف كبار زيت التوابل الملح

ونخلطوهم ونخلوهم نصف ساعة على الاقل تدخل التتبيلة فيهم

نحطوهم على نار هادية يطيبو براحتهم واذا نشفت تقدرو تزيدولها شوي ماء

عن نفسي مازدتلهاش المرميطة تاعي غطاها محكم وتعمل البخار تخلي الدجاج فيه المرقة وماينشفش
ومن وقت لاخر نقلبوها حتى يتحمر الدجاج تعنا

يبرد شوي ونفتوه

ونرحوه رقيق ونعاودو نردوه في هذيك لاصوص تاعو الي طلقها
(وكاين الي مايرحيهش ويخليه زي اكاك)

نخلطو البيض والجبن بالخلاط مليح حتى يمتزجو




نفرغوه على الدجاج

ويلزم يكون جاري باش مايجيش الطاجين شايح وناشف
( ونقدرو نزيدو كمية البيض اذا احتجنا)


نفرغوه في مول الفور ونديرو فوقو البيشامال
(المول يكون كبير شوي خاطر دجاجة تخرج بزاف ونا قسمتو على زوج)


وهذا شكلو بعد مايطيب





ان شاء الله ينال اعجابكم
وماتنسونيش من صالح دعائكم

خبز الدار

السلام عليكم
اليوم جبتلكم وصفة تاع خبز الدار
مبسس خفيف ومايتشبعش
جربوه وادعولي معاكم
المقادير

2 كيلو سميد، 2 فنجال زيت ،ملح حسب الذوق
(خميرة الخبز استخدمت تقريب 2 ملاعق اكل ممسوحة)
قليل من السانوج حسب الرغبة
ملعقة كبيرة ماء زهر ،ملعقة كبيرة سمن، بيضة
التحضير

اولا نضع السميد الملح السانوج الزيت



نبسسها مليح ( يدخل الزيت في السميد ) ونزيدو ليها شوي ماء دافي



من بعد الخميرة تاعنا استعملت ملعقتين كبيرتين خميرة الخباز + ملعقة صغيرة سكر وماء دافي تركتها حتى
تخمرت وتضاعف الحجم كما في الصورة



نلموها ونبدو نعجنوها مليح حتى واذا محتاجة ماء نزيدوها تولازم رجع تترشق وهذا دليل انو دات حقها من لعجين
نخلوها ترتاح 10 دقايق ونغطو عليها



من بعد نحلو عليها ونزيدولها البيضة وماء الزهر غير شوي يمد الطعم ومغرف سمن



نعجنوها مرة اخرى حتى يدخلو فيها نقسموها على زوج ونخلوها ترتاح 5 دقايق



نحطو وحدة في بلطو الكوشا ونحلوها شكل دائري
وبالموس نديرو هذوك الخطوط وندهنوها ببيضة مخلطة مع شوي قهوة



ونخلوها طيب
وهكذا يكون بعد مايطيب







ان شاء الله تعجبكم الوصفة وطبقوها
لاتنسوني من صالح دعائكم

حميص بالبذنجان

من مطبخي نوع من انواع السلطات ويكون مشوي
عادة ماتقدم في الاعراس وفصل الصيف وكذا في رمضان
ومن فترة لاخرى لا استغني عن اعدادها
لطعهما اللذيذ وتسمى عندنا سلاطة مشوية او حميص
عادة تكون من دون بذنجان لكن رغبت في اضافته للتغيير
مكوناتها

فلفل حلو وحار حسب الرغبة ، حبيتين طماطم صغيرة او واحدة كبيرة ، حبة بضنجان
فص ثوم ، زيت زيتوت ، خل وملح

التحضير
نقطع البذنجان شرائح

ونشويه

ثم نشوي الفلفل والطماطم ( تكون مقطعة نصفين) وفص الثوم

ننزع القشرة المحروقة من الطماطم ونقطعها

ثم نقشر الفلفل ( فور شويه ونزعه من النار يوضع في كيس بلاستيكي
لدقيقتين فيقشر بسهولة جدا ) ثم نفتحه وننزع منه البذور


نضع الكل بالخلاط

ونرحيهم ثم نضيف عليهم 3 ملاعق كبيرة خل و3 ملاعق كبيرة زيت زيتون



ونقدمهم في صحن مع حبات زيتون لمن اراد ذلك

ان شاء الله تعجبكم وصفتي
رايكم يهمني وردودكم تشجعني
لا تنسوني من دعوة خير