السلام عليكم ورحمة الله تعالى وبركاته
بينما اتجول بالنت وجدت وصفة متداولة بكثرة
وهي الخبز البلغاري وقررت تجريبها مع تغييرات بالحشو
كانت بنينة امممم لكن شوي ماطلعتليش
المقادير
العجينة
كوب ونصف حليب سائل
بيضتان
4 كؤوس من الفرينة (ويمكن اكثر)
1 ملعقة كبيرة ونصف من الخميرة الفورية
ملعقة صغيرة من السكر (مملوءة)
ملعقة صغيرة من الملح
ثلث كوب زيت
الطريقة
نخلط المقادير الجافة
ثم نضيف السوائل
نعجنها جيدا حوالي 15 دقيقة ثم غطيها واتركيها تخمر ربع ساعة
وبين مايخمر الخبز نجهز الحشو واستخدمت
بصل 2 قطع جبن دجاج
رحيت البصل واضفت اليه الدجاج وقليتهم في الزيت
وبعد ماطابو رحيتهم وزت ليهم هريسة والفرماج
ومع ذاب الفرماج نحيتهم من النار
نرجعو للخبز
بعد ماتخمر قصيتو على 4
وكل ربع درت منو 4 كريات
نغطوهم باش ماينشفوش
نحلو كرية بشكل دائري وندهنوها بوزيت الزيتون ونزيدو الثانية ونحطوها فوقها والثالثة والرابعة
وكل مرة نديرو زيت زيتززن بيناتهم ( يعني 4 طبقات ) ( باش مايلصقوش درتهم على الورق الشمعي)
نحطو عليهم شوي حشو
نلفوهم
ونقطعوهم بها الشكل
نحطوهم في صينية مدهونة وندهنوهم بحبة بيض فيها شوي حليب ونديرو فوقها سانوج وجلجلان
وندخلوهم يطيبو حوالي 20 دقيقة
ويكونو واجدين
ان شاء الله يعجبوكم
وماتنسونيش من دعوة خير
بارك الله فيك
ردحذفشكرا أختي موضوع جميـــل و رائعـــة
يعطيك ألف صحة وعافية على المجهود
لاتحرمنا من جديدك
تحياتي