دونات ( لي بينيي)

دونات  ( لي بينيي) 

السلام عليكم ورحمة الله تعالى وبركاته 

من مطبخي 

لي بينيي ( دونات)

50 غ زبدة ، 2 حبات بيض ، ربع كاس سكر ، ربع كاس لحظة ، ¾ كاس ماء دافي 

فاني ، 1 مغرف صغيرة خميرة قاطو ، مغرف كبيرة خميرة الخبز ، نص ملعقة صغيرة ملح ، 3ونص كاس فرينة

في الخلاط نخلطو كل المكونات مع بعض عدا الفرينة نديرو كاس فقط 

نخلطوهم مليح لمدة لاتقل عن 10 دقائق 

نفرغوهم ونخلوهم يطلعو 5 دقائق ونزيدو عليهم

2 كيسان ونص فرينة 

تعجني حتى تتحصلي على عجينة طرية ومتماسكة 

( وقادرة تزيدة الى غاية نص كاس اوخ حسب نوعية الفرينة ) 

غطي لعجينة وخليها ترتاح ربع ساعة

حلي لعجينة تاعك على سطح مدهون زيت 

اطبعيها دائرية واثقبيها في الوسط 

حطيهم في بلا يكون مغطي بورق الشمع

 او بمنشفة باش يسهلو تهزيهم وماتخسرش لافورم تاعهم

خليهم يرتاحو حتى يطلعو ويتنفخو مليح

واقليهم في زيت على نار هادية باش مايتحرقوش ويطيبو من الداخل

يتقطرو ويتزينو حسب الرغبة

سكر او شوكولا او مربى 

ويكون بهذا الشكل 

لا تنسوني من دعوة خير