كسرة لمبسس

السلام عليكم وررحمة الله تعالى وبركاته
من مطبخي كسرة لمبسس 
وهي نوع من انواع الكسرى تجي حلوة وتتشرب مع قهوة حليب او اللبن 
وطيب على طاجين لحديد 

المقادير 
2 كيلات سميد متوسط ، 3 فناجل زيت ، ملح ، 4 مغارف كبار سكر معمرين 
1 خميرة كيميائية ، وماء للعجن تقريبا ( كاس ونص حسب نوعية السميد) 

نحطو السميد في قصعة مع الملح السكر لخميرة
وفي الوسط الزيت 




نخلطوهم ونفركو براحة اليد حتى تدخل الزيت في السميد ويتبسس مليح 



من بعد نزيدو الماء بالشوي ونعجنو حتى تتلم 
نقسموها على زوج وماتحتاجش ترتاح 




نحلو وحدة بشكل دائري 




ونقطعوها اشكال كيما حبينا ( في العادة يتقطع ودي لزونج معينات) 







ونحطوهم يطيبو على طاجين الحديد الي نسموه لمرا 
ويكون مدهون بشوي زيت 




نبقو نحركو فيهم باش مايتحرقوش 
ونقلبوهم على الجيهتين 



ويقدمو وهم باردين مع قهوة حليب مايتشبعوش











ان شاء الله تعجبكم الوصفة
لاتنسوني من دعوة خير دوما لكل من يمر بمدونتي