حلوى النيستلي الذ حلوة دون طهي

السلام عليكم ورحمة الله تعالى وبركاته

من اسهل والذ الحلويات

حلوى النيستلي
المقادير
300غ مكسرات ، شوكولاطة ، علبة نستلي، حبات بسكوي ، حبات مكسرات للتزين


التحضير
نضع علبة النيستلي في اناء ضغط (كوكوط) بها ¾ ماء ونغلق عليها ونتركها على النار لمدة ساعتين
لنحصل على كرامال النيستلي (توفي) ثقيل القوام متماسك بلون بني قاتم
نرحي حبات البسكوي والمكسرات ( استخدمت كاوكاو)

بملعقة نخاذ قليل من التوفي ونضعها في البيسكوي المرحي

ونمرره على كل الجهات حتى يتماسك

ثم نغمسه في شوكولاطة مذوبة على حمام مائي ( تكون باردة نوعما ما حتى لا يذوب التوفي)

وبعدها نمررها في المكسرات

لنغطيها كاملة

نضعها في الاكياس الورقية الخاصة بالحلوى

ونزينها بحبة بندق


لاتنسوني من صالح دعائكم

صابلي البيمو لذيذ وسهل

السلام عليكم ورحمة الله تعالى وبركاته
لكل من تبحث عن حلوة سهلة ولذيذة في نفس الوقت
احضرت لها صابلي البيمو

المقادير
2علب بيمو ، 250 غ زبدة ، 2 ملاعق كبيرة كاكاوو، 3 ملاعق كبيرة عسل،

3 حبات بيض، 1 خميرة ، نصف ملعقة صغيرة بيكاربونات الصودا، 8 ملاعق كبيرة فرينة

التحضير

نضرب الزبدة حتى تصبح طرية ونضيف لها البيمو المرحي جيدا

ثم البيض والكاكاوو والعسل

ونخلط الكل ثم في الاخير الفرينة البيكاربونات والخميرة
نجمع العجينة نغطيها ونتركها ترتاح قليلا

نلصق كل قلبين بالكريمة حتى نكمل

في هذه الاثناء نحضر كريمة اللصق

كاس حليب ، 3 ملاعق كبيرة نشاء ، رشة ملح ، كاس سكر رطب ،
2 ملاعق كبيرة سيرو الرمان، 125 غ زبدة
نخلط الحليب والنشاء ورشة الملح فوق النار حتى يتخثر الخليط

عندما يبرد قليلا نضيف له الزبدة وسيرو الرمان
ثم السكر الرطب ونخلط جيدا بالباتور ونتركها جانبا
نعود للعجينة نفردها ونقطع شكل قلوب نرصه في صينية وندخلهم لفرن مسخن مسبقا


وهذا شكلهم عند النضج

نلصق كل قلبين بالكريمة حتى نكمل

ناتي للتزين

نحتاج شوكولاطة ، ورود ، حبوب براق ، بياض بيضة + سكر رطب للقلاصاج

نغطس القلوب في الشوكولاطة المذوبة على حمام مائي

نتركها تجف ونزينها

نرش عليها بعض الحبيات البراقة ثم نلصق وردة على الجانب

وبالقلاصاج نعمل خطوط مموجة

الطريقة الاولى للتزيين

الطريقة الثانية للتزيين

شكلهم مع بعض

زوووم



ولاتنسوني من صالح دعائكم

مخدات لعروس

مخدات لعروس
يجو محشيين بالمكسرات او النوادكوكو

والصراحة تاع المكسرات خير وخير
المقادير

2 كيلات ونص فرينة، نص كيلة نشاء، 3/4 كيلة زبدة ، ملح ، فانيليا ، مبشور ليمون

وقليل من الماء+ماء الزهر

التحضير

نخلط النشاء والفرينة ومبشور الليمون الملح الفانيليا
نضيف عليهم الزبدة السائلة
نفركهم براحة اليد ثم نجمعهم بماء الزهر والماء
عندما نتحصل على عجينة نقسمها نصفين

نصف نتركه ابيض والنصف الاخر نلونه بالمولون الغذائي الاحمر

نغطيهم ونتركهم يرتاحو

وفي هذا الوقت نجهز حشو ونحتاج

3كيلات جوز الهند، كيلة سكر، 2بياض بيض، مبشور ليمون

نخلط الكل مع بعض

عود للعجينة نقسمها كويرات صغيرة وننمررها في la machine a pate لي نديرو بيها البقلاوة

اولا في رقم1 ثم رقم 4 ثم في المكان المخصص للرشتة

نضع 6 شرائط من العجينة البيضاء

وفوقها 6 من العجينة الحمراء كما في الصورة

نضع قليل من الحشو

ونبدا اللف

اولا الشريط الابيض

ثم الشريط الاحمر

ثم الابيض

وهكذا بالتتالي




حتى نكملها جميعا

نضغط على الاطراف حتى نحكم غلقها ثم نقص الحواشي

ونطويهم الى الخلف هكذا

واستخدمت شكل آخر (قرن غزال)
نضع الكل في صينية وندخلهم الفرن حوالي 20 دقيقة
حتى نلاحظ تحمرهم من الاسفل


فور اخراجهم نغمسهم في العسل

يتقطرو

ونزينهم بالحبيبات البراقة

حلوة الديول بنينة وماطيبش

 حلوة الديول بنينة وماطيبش

المقادير
2 ساشي ورق الديول ، 2 علب صغار حلوة شامية ، كيلو مكسرات هذا خدمتو بالجوز
اما الي درت في الفاتحة درتو باللوز وجاني خير وحتى بالكاوكاو يجي بنيييين
2 مورصو شوكولا بيضا ، 500 غ زبدة لابال ، سكر رطب ، 3 مغارف عسل
ورود للتزيين

التحضير
على طاجين لحديد نحمصو شوي لورق بلا مايتحرقو حتى يرجعو مقرمشين

نفتوهم غير شوي

نزيدو عليهم الشامية والمكسرات مرحيين مقليين

نخدمو كريمة الزبدة ( 500غ زبدة نخدموها مليح مع سكر رطب و3مغارف كبار عسل
حتى ترجع بيضا ويذوب السكر)

ونزيدوها على الخليط غير بالشوي حتى يتجمع وقادر تبقالنا منها

وفي الاخير نزيدو الشوكولا البيضا الي نكونو ذوبناها قبل على حمام مائي معاها مغرف زيت



نجمعو الكل نكوروهم كيما حبينا
ونزينوهم باي نوع من الوروود او تقدرو حتى تزينوها بالشوكولا السوداء



وهذا شكل اخر ايضا

مقرقشات الطابع

حلوى كانو يعملوها ايااام زمان عهد جداتي وجداتهم
ونسموها مقرقشات الطابع
وهذي طريقتي الخاصة

مقرقشات الطابع خفاف وبنان

مقادير الخليط

كاس فرينة، كاس حليب، ملعقة كبيرة نشاء، بيضة،ملعقة كبيرة سكر، ملعقة صغيرة خميرة كيميائية

+ زيت للقلي

للتزين:

عسل ،مكسرات وجلجلان

التحضير

نخلط كل مقادير الخليط في الخلاط الكهربائي لدقيقتين فقط

حتى تتجانس مع بعض ونفرغها في صحن عميق

نحتاج لهذا النوع من الطوابع وفيه عدة اشكل

نسخن الزيت على نار هادئة ونغمس فيها الطابع

ثم نغمسه في الخليط

ويجب ان لا نصل الى اطرافه العجينة تصل للمنتصف فقط

ومباشرة نضعه في الزيت الساخن ( دوما النار تكون هادئة حتى لا تحترق)

وعندما تتحمر ننزعها بوايطة شوكة سكين وبرفق حتى لا تتكسر

حتى نكمل الكمية

نغمسها اما وهي ساخنة في عسل بارد او نتركها حتى تبرد ونغمسها في عسل ساخن

شكلها معسل

وتزين حسب الرغبة ( واخترت البندق الفستق والجلجلان لتزيينها)

 

لا تنسوني من صالح دعائكم