بوراك سيـGـار محشي مرقاااز

السلام عليكم ورحمة الله تعالى وبركاته
بوراك سيـGـار محشي مرقاااز
المقادير
وراق الديول ، بطاطا ، هريسة ، بصلة مرابية ، معدنوس ،
فرماج ، ومرقاز وبيضة واحدة

التحضير

نطيبو البطاطا في الماء نقشروها ونهرسوها

نزيدولها شوي بصل والمعدنوس ولهريسة طبعا الي بلا بيها يسماط البوراك

ونخلطوهم مع بعض ونفقسو عليهم حبة بيض

البطاطا واجدة والمرقاز قليناه

نقطعو ورقة الديول نصفية

نحطو البطاطا بشكل مستطيل وغير شوي
من بعد حبة مر Gــاز في النص واذا جات البطاطا زايدا طول عليه نقصو منها

وفي الاخير الفرماج نقطعوه بالطول

نلفوهم ونقلوهم في الزيت

وهام ليكم واجدين خفاف وبنان

مقطع باش يبان الحشو





بصحتكم
وماتنسونيش من دعوة خير

صلصة الثوم

السلام عليكم ورحمة الله تعالى وبركاته

نوعين من صلصة الثوم

 

في الخلاط نضع ملعقة صغيرة ثوم مهروس + ملعقة كبيرة خل + ملعقة كبيرة مايوناز
+2 ملاعق زبادي

ونخلط جيدا حت نتحصل على سائل ونتركه جانبا
بينما نخفق بياض بيضة مع رشة ملح بشكل ثلجي

ونضيف له مقدار فنجال زيت ونواصل الخفق



نقسم الخليط نصفين النصف الاول
نضيف له الزيت تدريجيا ونخلط حتى نحصل على قوام مثل المايوناز


وتكون صلصة ثوم خفيفة نوعا ما


والنصف الاخر نضيف عليه نصف حبة بطاطا صغيرة
وملعقتين حليب ونخفقهم جيدا


وتكون لدينا صلصة ثوم سميكة القوام




ان شاء الله تجربوهم ويعجبوكم

لا تنسوني من دعوة خير

ستاك بالجلبان والبطاطا sautée

السلام عليكم ورحمة الله تعالى وبركاته

اليوم جبتلكم وصفة بنينة وخفيفة على المعدة

ستاك بالجلبان والبطاطا sautée

المقادير

لحم هبرة ، جلبانة ، بطاطا ، سمن ، قطعة زبدة ، زيت للقلي

ثوم، فلفل اكحل، ملح ، معدنوس، ملعقة كبيرة خل

اول حاجة نبدو بيها هي اللحم نحلوه كيما في الصورة (ماعرفتش المصطلح كيفاش)

وناخذو بالقطعة وندقوها مليح حتى تولي رقيقة

ونتبلوه بمغرف صغيرة ثوم ، ملح ، فلفل اكحل ، مغرف كبيرة ونص سمن ( ممكن اكثر حسب كمية اللحم)

ومغرف كبيرة خل احمر


ونغمسو كل القطع في التتبيلة ، نغطوهم ونحطوهم في الثلاجة ساعتين على الاقل




نوجدو صوص للبطاطا

نحطوقطعة او زوج من اللحم صغار ومن الافضل فيه الشحمة ( وشوي لحم مفرم ماشي لازم)

مغرف كبيرة سمن ،غير شوي ملح ( بطاطا تكون مالحة ) وفلفل اكحل


ونخلوهم على النار حتى يتقلو ويطلقو الزيت



نمرقوهم بشوي ماء ونخلوهم على نار هادية حتى يتشربو


وفي هذا الوقت نقشرو البطاطا نقطعوها دوائر ونقلوها في الزيت

والصوص تكون خاثرة ومتشربة

نحطو فيها البطاطا وشوي معدنوس ونخلطوها في لاصوص


ومن بعد نحطوها في مول تاع كوشا وندخلوها 10 دقائق فقط غير باش تتقرمش وتروح منها طراوة لاصوص

الجلبانة نكونو غاليناها في الماء وكي تطيب نقطروها في كسكاس

نحطوها في اناء ونزيدولها قطعة زبدة فلفل اكحل ثوم ملح ومعدنوس

وغير تتقلى شوي 5 دقائق فقط ( باش ماتذوبش ) نطفو عليها النار وتكون واجدة

اللحم اخر حاجة نعملوها

نقلوه في مقلة شايحة مانحطو فيها زبدة ولا زيت خاطر يطلق التتبيلة والماء تاعو وهم كافيين باش يتقلى مليح

لي ستاك متبلين واجدين وبنان اممممممم


البطاطا بعد ماخرجناها من الكوشة

والجلبانة

بالصحة والعافية عليكم

لا تنسوني من دعوة خير

بوراك رمضان

السلام عليكم ورحمة الله تعالى وبركاته

البوراك ( او لبريك ) سيد المائدة الرمضانية بلا بيه لفطور مايحلاش
جبتلكم طريقة تحضيرو كيما نحبوه
المقادير
بطاطا مسلوقة، لحم مفروم، بصل ، دبشة، زيتون، جبن، بيض ، هريسة ، اوراق ديول

التحضير
نهرس البطاطا بعد سلقها ونضيف لها الهريسة ونضعها على ورقة الديول
نصيف لها البصل مفروم والزيتون مقطع

ثم اللحم المفروم( نملحه ونقليه في الزيت ) والجبن

نفقس عليه بيضة

وبعض الدبشة

نغلق البوراكة لنحصل على شكل مربع

ونقليهم في الزيت حتى يتحمرو وطيب البيض

وطبعا يتقدمو مع شربة فريك

البواكة مقطعة


صح فطوركم
لاتنسوني من دعوة خير

تمر محشي زبدة طبيعية ولوز

السلام عليكم

واش راكم غلبكم رمضان ولا غلبتوه

قبل لفطور جبتلكم وصفة خفيفة ظريفة تفرقو بيها صيامكم

تمر محشي باللوز والزبدة

المقادير

تمر ، زبدة بقر طبيعية ( الي نخرجوها من اللبن ) ، ولوز محمص

إضغط هنا لرؤية الصورة بحجمها الطبيعي.

نقيو التمرات من النوا

ونحشوهم بشوي زبدة ماتكتروش بزاف

إضغط هنا لرؤية الصورة بحجمها الطبيعي.

وفي كل تمرة نحطو حبة لوز

إضغط هنا لرؤية الصورة بحجمها الطبيعي.

وهذا ماكان خلاصت الوصفة

وباقي اللوز زينو بيه في الوسط

إضغط هنا لرؤية الصورة بحجمها الطبيعي.

وطعمتهم مع الرايب امممممممم جربو وقولولي



ان شاء الله تعجبكم الوصفة
صح فطوركم
ودوما محتاجة لدعوة خير منكم