الثلاثاء، 15 يناير 2013

فلنوحد الدعاء بالشفاء العاجل للطفلة ايمان



السلام عليكم ورحمة الله تعالى وبركاته

اخواني متتبعي مدونتي 
اعتذر عن انقطاعي عنكم بسبب ظروفي الخاصة 
اليوم لا اطرح وصفة وانما اليوم انا في امس الحاجة اليكم 
فلا ترودوني 

ابنة عمي ايمان التي تبلغ 12 عاما ونصف
وهي بمثابة اختي تماما 
اصيبت بمرض خطير عافاكم الله منه وهو سرطان الدم
فاتمنى منكم جميعا ان توحدو الدعاء بان يشفيها الله


دعاء لايمان بالشفاء العاجل
اللهم اشفي مرضانا ومرضي المسلمين

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..


لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..


إلهي ..


أذهب البأس رب الناس اشف  ايمان و أنت الشافي لا شفاء إلا شفاؤك شفاء لا يغادر سقما ..


إلهي ..


أذهب البأس رب الناس عن ايمان بيدك الشفاء لا كاشف له إلا أنت .. يارب العالمين آمين ..


إلهي ..


إني أسألك من عظيم لطفك وكرمك و سترك الجميل أن تشفي ايمان  و تمدها بالصحة و العافية ..


إلهي ..


لا ملجأ و لا منجا منك إلا إليك .. إنك على كل شيء قدير

[ربى إنى مسنى الضر و أنت أرحم الراحمين ))


اللهم اشفي ايمان  شفاء ليس بعده سقما ابدا..اللهم خذ بيدها اللهم احرسها بعينيك التى لا تنام .


و اكفها بركنك الذى لا يرام و احفظها بعزك الذى لا يضام .و اكلأها فى الليل و فى النهار .


و ارحمها بقدرتك عليها ّ.أنت ثقتها و رجائها يا كاشف الهم . يا مفرج الكرب يا مجيب دعوة


المضطرين .اللهم البسها ثوب الصحة والعافية عاجلا غير اجلا ياأرحم الراحمين..


اللهم اشفها اللهم اشفها اللهم اشفها..اللهم امين


لاتنسونا من الدعاء واجركم على الله

الأربعاء، 2 يناير 2013

بسكوي رولي روووووووووووووووووعة كل عام وانتم بالف خير


السلام عليكم ورحمة الله تعالى وبركاته
كل عام وانتم بالف خير 

بسكوي رولي للعام الجديد 
الوصفة قدمتها سابقا في هذا الموضوع 
http://moondz-mouni.blogspot.com/2012/02/blog-post_3857.html

فقط في الحشو بعد النوتيلا اضفت طبقة من كريمة الزبدة 
وكذلك بعد مالفيت البسكوي غلفتو بكريمة الزبدة وبعدها الشوكولا 
وكان الطعم اممممممممممممممم خيالي 
وبقية التزين كان بمساعدة عزوزتي ( والدة زوجي ربي يحفظهالي )

اترككم مع الصور هي تعبر عن نفسها 

















دائما ماتنسونيش من دعوة خير

الخميس، 18 أكتوبر 2012

طاجين حلو بالصامصا


السلام عليكم

طاجين حلو بالصامصا
نطيبو مرقة حلوة بالطريقة العادية
مغرف صغيرة بصلة قطع اللحم زيت ملعقة زبدة ملح قرفة وطيب



نقلو اللحم مليح من بعد نزيدو كاس سكر والزبيب ونمرقو بشوي ماء



ويغلي حتى يذوب السكر


من بعد نمرقوهم بالماء ونزيدو عليهم المشماش والعين بعد تفويرهم




نقصو عليهم النار ونخلوهم يعقدو في راحتهم


وفي هذا الوقت نوجدو الصامصة


نحتاجو ورق الديول وشوي مكسرات المتوفرة
جوز ولوز زبيب عين بقرا (العين) و مشماش مجفف




نفورو كل من الزبيب والعين والمشماش ونقطعوهم قطع صغيرة
وكذلك المكسرات بعد تحميصها نقطعوها قطع صغيرة



نخلطوهم مع بعض ونزيدوهم مغرف كبيرة سكر وشوي ماء زهر غير يتبلو






نقطعو وردة الديول مستطيل ونحطو شوي حشو فيهم



نطويوهم مثلثات



ونقلوهم في شوي شوي زيت معاه الزبدة حتى يتحمرو




ويتقدمو مع طاجين حلو






وبالصحة
لا تنسوني من دعوة خير

جلبانة بنينة وساهلة



السلام عليكم ورحمة الله تعالى وبركاته

جلبانة بنينة وساهلة

نقلو لافيونداشي وحبة بصلة رابي وسنينات ثوم ملح فلفل كحل وتوابل
في شوي زيت



وبعد مايطيبو نزيدولهم جلبانة ( بازلاء ) تكون مفورة مع شوي دبشة ( بقدونس) مقطعة
و3 ارباع كاس ماء ونخلوهم يغلو شوي






من بعد قطعتين جبن واحدة بالثوم



ونخلطوهم حتى يدوب الجبن




من بعد نفرغوهم في بيركس




ونفرغو عليهم 5 حبات بيض مضربين وشوي دبشو من فوق







وندخلوهم للفور حتى تتحمر من فوق






وبالصحة






لاتنسوني من دعوة خير

الخميس، 2 أغسطس 2012

سفيرية بالدجاج والطون

السلام عليكم ورحمة الله تعالى وبركاته

سفيرية بالدجاج والطون

علبة طون طماطم + شوي دجاج مقلي مملح ومفتت + معدنوس
+ بيضة كبيرة واذا صغار ديريو زوز



نخلطوهوم ونزيدوهم حبة بطاطا مبشورة مقلية



+ مغرف كبيرة شابلير



ونخلطوهم مع بعضاهم
نشكولو كريات ونبسطوهم وباش يجو الحبات قد بعضاهم درتهم في مول
نغمسوهم في بيضة من بعد في الشابلير ونقلوهم في الزيت



ويكونو









ان شاء الله تعجبكم الوصفة
وماتنسونيش من دعوة خير

كيش باللحم المفروم


السلام عليكم ورحمة الله تعالى وبركاته

كيش باللحم المفروم
العجينة بريزي
250غ فرينة + 120 غ زبدة نخلطوهم باليد حتى تدخل الزبدة في الفرينة



من بعد نديرو 4 مغارف ماء بارد مليح مع مغرف صغيرة سكر + مغرف صغيرة ملح


ونخلطوهم باش تتلم العجينة فقط بلا مانعجنوها
بعد مانلموها ندخلوها للثلاجة ترتاح ساعة على الاقل


ونوجدو الحشو تاعنا
نذبلو البصلة ونزيدوها لحم مفروم + دبشة + ملح + فلفل كحل+توابل


ونخلوهم يتقلو على نار خفيفة حتى يطيب اللحم المفروم
نحوه نزيدولو قطعة جبن
وبما اني نحب الدجاج زدتلو شوي بعد ماقليتو في شوي زيت وفتتو


نخلطو حتى يذوب الفرماج


ونزيدو 4 حبات بيض وشوي معدنوس وفنجال حليب


ونخلطهم مليح


نخرجو العجينة من الثلاجة
نحلوها بشكل دائري


ونحطوها في المول بعد ما ندهنوه شوي ونطلعولها الحاشية ونثقبوها


وندخلوها طيب نص طياب ( كي نخرجوها تكون ناشفة شوي ماتبقاش طرية


نفرغو الخليط على لابات تاعنا


ونزيدو فرماج رابي ونعاودو ندخلوها طيب


حتى يتحمرو لحواشي وينشف الخليط وتكون



نحوها من المول




ونقصوها





وتقدم بالصحة





ان شاء الله تعجبكم الوصفة
ماتنسونيش من دعوة خير